Norwégiyede 5-fewral Ghulja weqesi munasiwiti bilen namayish ötküzildi

Bügün yeni 2009-yili 5-fewral küni Norwégiye Uyghur komutétining bir tutash teshkillishi bilen Norwégiyening paytexti Oslo we Oslo etrapidiki sheherlerde yashawatqan Uyghurlar 5 -fewral Ghulja weqesini xatirlesh munasiwiti bilen xitay elchixanisining aldida naraziliq namayishi ötküzdi.
Resimde:namayishtin körünüsh.
1997-yili del mushu künde milli zulum we xorluq jenigha patqan ,demokratiye we erkinlikke telpün’gen Ghulja yashliri mustehkem bir sep bolup uyushup özlirining insani we dini erkinligini telep qilip Ghulja kochilirida demokratik usul bilen namayish qilghan idi. Emma Uyghurlarning kishilik heq –hoquqlirini izchil depsende qiliwatqan xitay hökümiti qolida naraziliq namayishi üchün teyyarlan’ghan lozunkidin bashqa hich nerse yoq Uyghur yashlirini wehshilerche basturghan.
Resimde: 1997-yili 5-fewral weqesini öz béshidin ötküzgen Ehed ziyaritimizni qobul qildi.
Uyghur élidiki yéqinqi zaman demokratik herkitide zor tesir qozghighan bu weqe yüz bergendin kéyin dunyaning herqaysi jayliridiki Uyghur teshkilatliri özlirining keskin inkasini bildürüsh üchün 5-fewral Ghulja weqesini her yili xatirlesh ,biguna shehit bolghan qehrimanlarni we türmilerde azap chikiwatqan gunahsiz qérindashlirini türlük shekilde yad étishni mushu kündiki muhim paaliyet mezmunlirining biri qilip békitken idi.


Shu seweptin bügün yeni 5-fewral küni Oslo we Oslo etrapidiki sheherlerde yashawatqan 50ge yéqin uyghur teshkilat rehberlirining yétekchiligide xitay elchixanisining aldigha Uyghurche we engelizche shuar yézilghan lozunkilarni we shehitlerning resimini kötürüp,Uyghurche, Norwegche we xittayche tillarda jarangliq shuarlarni towlap, xitay hökümitige bolghan küchlük naraziliqlirini bildürüshti.

Xitay elchixanisi aldida ötküzülgen namayish Norwégiye waqti saet ikkide bashlinip saet üchtin ashqanda netijilik axirlashti.Resimde:namayishtin körünüsh

.





NUK teshwiqat bölümi

2009.02.05

Norwégiyede "Uyghur ösmürliri telim-terbiye merkez”liri échildi

Yéqinqi yillardin béri Norwégiyege kélip yerlishiwatqan Uyghurlarning sanining köpiyishige egiship, ösüp yétiliwatqan perzentlirimizning Uyghur tilini saqlap qélishi ,ularni Uyghur medeniyiti we islam diniy terbiyisige ige qilish Uyghur ata-anilar jiddi köngül böliwatqan bir mesilige aylandi.. Mushundaq zörüriyet astida Norwegiyediki Uyghur jamaiti öz perzentlirini ana til, milli medeniyet we enenilirimiz shuningdek ilam diniy terbiyisi béridighan telim-terbiye merkezlirining échilishini jiddi telep qilghan we xélidin béri taqezzaliq bilen kütüp kelgen idi. Norwegiye Uyghur komitétining bir mezgil izdinishi we teyarliq qilishi bilen ata-anilarning bu arzusi mana axir riyalliqqa aylandi. Resimde:Oslodiki oqush bashlash murasimidin körünüsh.

2-ayning 1-küni Norwégiyening paytexti Oslo shehride Uyghur ösmürliri telim-terbiye merkizining oqush bashlash murasimi ötküzüldi. Telim –terbiye merkizi üchün hazirlan’ghan zalgha 4 yashtin 15 yashqiche 23 neper ösmür, ularning ata-aniliri we terbiychilerdin bolup jemi 50 ke yéqin kishi yighilghan bolup, tebriklesh murasimi terbiyechiler, teshkilat rehperliri we ata-anilar wekillirining tebrik sözliri bilen bashlandi.

Uyghur ösmürliri telim-terbiye merkizide her yekshenbe küni töt saet ders ötilidighan bolup, Uyghur perzentler bu waqit ichide Uyghur tili, Uyghur mediniyiti, wetinimiz Sherqiy Türkistan’gha ait tarix we jughrapiye bilimliri we Islam diniy boyiche özlirining yéshi we chüshinish ehwaligha qarap telim alidu.

Bu telim –terbiye merkizining ana til oqutushigha, ilgiri wetende uzun yil oqutquchiliq tejirbisige ige bolghan Abdusemet ependi we Nighmet hajimlar mes’ul boldi. Diniy telim –terbiye ishlirigha diniy sahade oqughan kishilerdin Ataulla Qarim, Ømer Hajim we Turghunjanlar mesusl boldi.Resimde:Muellim oqughuchilargha uyghur
élipbesini ötmekte:Axir "A"ning shekli mushundaq shekilde.

Kishini teximu xoshal qilidighini, mundin bir kün burun, yeni 1-ayning 31-kuni Uyghur perzentliri telim-terbiye sinipidin yene biri, Norwegiyening Uyghurlar toplushup yashaydighan sheherliridin biri bolghan Gjövik shehridimu echilghan bolup, bu ikki milli telim –terbiye siniplirining arqa-arqidin échilishi Norwégiyediki Uyghur jamaitini intayin xursen qildi. Resimde: Oqughuchilar"ana til dersi"de.

NUK teshwiqat bölümi. 2009- yili 2-ayning 2-küni