Norwégiyide 2009 - Yilliq noruz paaliyiti ötküzüldi

Noruz bayrimi barliq türkiy we iran xelqlirining qedimdin tartip dawamlashturup kéliwatqan tarixi, eneniwi bayram küni bolup, bu kun yingi yilning bashlinishi we güzel bahar aylirining kelgenlikidin dérek béridighan inaqliq we tebiet bayrimidur.
Uyghur xelqimu tarixtin buyan özlirining bu mubarek noruz künini su boyliridiki chimliqlar we güzel tebiet baghrida tebrikleydu. Noruz éshi étip bille ghizalinidu, qoshaq, noruznamilerni étishidu, naxsha éytip, usul oynap özlirining bu yingi yilini xushal - Xuram halda kütüwalidu.
Ejdadlirining qedimi, milli enenisini dawamlashturup xasiyetlik noruz bayrimini ötküzüp kéliwatqan cheteldiki barliq uyghurlar qatarida norwégiyidiki uyghurlarmu 22 - Mart küni norwégiyining paytexti oslo shehride katta noruz merikisi ötküzdi. Norwégiye uyghur komitéti her yili noruz paaliyiti ötküzüsh arqiliq bir yaqtin bu eneniwi xasiyetlik künni xatirlise yene bir tereptin bu paaliyet arqiliq bu yerdiki uyghurlargha we yash ewladlargha wetenperwerlik we milli eneniwi terbiyisi élip bérip bu jehette zor siyasi we ijtimaiy ünümge érishti.
Norwégiye uyghur komitétining uzun waqit etrapliq teyyarliq qilishi netijiside noruz bayrimi uchun köp xil mezmundiki programmilar teyyarlanghan bolup chonglar, yashlar we ösmürlerning yash alahidiligi we iqtidari boyiche teyyarlanghan türlük programmiliri noruz ehlining qizghin alqishigha érishti.
Norwégiyining paytexti oslo we her qaysi sheherliridin kelgen 200 ge yéqin uyghur méhmanlar xanim - Qizlar teyyarlap kelgen mol dastixangha daxil bolghach özlirining wetenge bolghan séghinishini izhar qiliship, hal - Ehwalliship uzara didarlashti.
Bügünki noruz paaliyitige ezerbeyjan millet wekili malahat ibrahim qizi, akadémiye telim - Terbiye merkizining bashliqi almutida turushluq ixtiyari muxbirimiz abdulladin ependi qatarliqlarmu qatnashti.

Aygul Yüsüp xewiri

2009-03-23

http://www.rfa.org/uyghur/xewerler/tepsili_xewer/norwigiyide-nowruz- 03242009061934.html