Norwegiyede Xitaygha qarshi shiddetlik namayish otkuzuldi

Norwegiyede Xitaygha qarshi shiddetlik namayish otkuzuldi



7-ayning 7-kuni seyshenbe, Norwegeyening paytexti Oslo shehride, Norwegiye Uyghur komitetining orunlashturishi bilen Xitaygha qarshi daghdughiliq namayish elip berildi.

Namayish chushtin keyin saet 2 de Norwegiyening paytexti Oslo sheher merkizidin bashlandi. Oslo shehri we Norwegiyening herqaysi sheherliridin kelgen 200 ge yeqin namayish qoshuni belige aq baghlap,qollirigha sherqiy Turkistanning ay-yultuzluq kok bayriqi, turluk plakatlarni koturup, Sheher merkizidiki poyiz wagzalining aldidin parlament binasigha qarap yolgha chiqti. Namayishchilar yol boyi "Xitaylar diktatur”, ”Xitaylar fashist”, Xitaylar terorist”, ”Xitay: Uyghurlarni olturushni toxtatat”, ”Uyghurlargha erkinlik” degendek jarangliq shuarlarni towlap kochini lerzige saldi.

Namayishchilarning ketiwatqini, Oslo shehridiki meshhur sayahet kochisi bolup, kochida norwegiyelik we cheteliklerdin bolup nechche minglighan amma namayishni qiziqish bilen kordi. Namayishchilar sepining ikki teripide ketiwatqan kichik Uyghur osmurliri bugunki bu namayishning sewebi we meqsetliri tonushturulghan teshwiqat waraqlirini qizziqquchi ammigha tarqitip mangdi.

Namayishchilar parlament binasining aldigha kelip toxtidi. Bu yerde Norwegiye Uyghur kometitining reisi Semet ependi, etraptiki ammigha, Norweg tilida nutuq sozlep, Xitay hokumitining Urumchide Uyghur namayishchilarni qanliq basturghanlighi we Uyghurlar ustidin keng-kolemlik olturush we tutqun qilish qilmishlirini dawam qildurwatqanlighini qattiq eyiplidi.

Parlament binasi aldidiki nutuq sozlesh paliyiti axirlashqandin keyin, namayishchilar Oslo shehrlik hokumet binasi aldidiki Nobil tenchliq merkizining aldigha yighilip namayishni dawam qildi we Namayishlar bilen birge yuriwatqan Norwegiyening herqaysi chong telwiziye we gezit muxpirlirining ziyaritini qubul qildi.

Namayishchilar Sheher merkizidiki 2 saetke yeqin dawam qilghan namayish paliyitini axirlashturghandin keyin namayishning axirqi nishani, Xitayning Oslo shehride turushluq bash elichixanisigha qarap yurush bashlidi.
Namayishchilar qoshuni Xitay elchixanisining aldigha kelgende bu yerge alliburun kelip bolghan saqchi qoshuni namayishchilarning aldini tosup, ularni Xitay elchixanisining chong derwazisigha yeqinlishishtin tosushqa urundi.. Lekin namayishchilar saqchilarning tosishigha qarimay aldigha etildi. Saqchilar bilen bir meydan keskin toqunushtin keyin namyishchilar Xitay elchixanisining chong derwazisigha birnechhe qedem kelgucdek yergiche yeqinlashti. Ghezeplengen namayishchilar Xitayche we norwegche tillarda shuarlarni towlidi, Xitayning bayrighini koydurdi.
Bu jeryanda namayishchi yashlardin birqanchisi Xitay elchixanisigha qarap ozini atqanda saqchilar teripidin tutup ketildi, ulardin bir nepiri saqchilarning zerbisidin yarlandi.

Bygunki bu namayish Norwegiyediki Uyghurlarning tarixida qatnashqan adem sani eng kop, eng shiddetlik namayish bolup, namayish chushtin keyin saet 5:30 da ghelbilik axirlashti.

07.07.09