10-ayning 1-künidiki namayish uxturushi

Norwégiyediki Sherqiy Türkistanliq Qérindashlar:

10-ayning 1-küni "Xitay Xelq Jumhuriyiti" we Atalmish Xinjiang Uyghur Aptonum Rayonining qurulghan küni, Xitay hökümiti tentene bilen bayram qilwatqan bu kün, Sherqiy Turkistan xelqi üchün matem küni, millitimizning yéngi bir mustemlikilik, azapliq tarixining bashlan'ghan küni. Hitay hakimiyiti shu kündin bashlap wetinimizning munbet güzel tupriqini ayaq-asti qilip,tebi'i bayliqlirimizni bulap -talap, yüzminglighan weten söyer qehrimanlirimizni wehshilerche öltürdi, türmilerge saldi. Mana hazirgha qeder ular shu zorluq-zombuluqliri,wehshilikliri bilen wetinimizge köplep xitay aqqunlarni yötkesh bilen yüzminglighan qizlirimizni xitay élige yötkimekte we ayagh asti qilmaqta! Tilimizni, dinimizni yoq qilmmaqta! Bu adaletsizlikke ténch yol bilen qarshiliq qilghanlarni bolsa wehshilerche qirmaqta! 7-iyul qanliq qirghinchiliqi buning tipik misali. 

Dunya Uyghur Qurultiyi 1-Öktebir künini Sherqi Turkistan Xelqining "Matem küni" dep jakalighan we her yili dunya miqyasi boyiche namayishlarni ötküzüp kelgen idi. Bu yilimu namayish qilishqa chaqiriq qildi. Norwégiye uyghur komitétimu "Matem Küni" munasiwiti bilen xitay hökümitining chékidin ashqan zulmigha, milli qirghinchiliqigha qarshi namayish ötküzüshni qarar qildi. Namayishqa qatnishish özimizni Sherqiy Türkistanliq dep tonughan her-birimizning wijdani we imani burchi! Oslo, Stavanger, Bergen, Kristiansand, Gjøvik we Norwégiyening bashqa jayliridiki qérindashlarning bir künlük xizmet yaki üginishtin waz kéchip,wetende qiriliwatqan,milli zulum,xorluqlargha uchrawatqan xelqimiz üchün xitay hakimiyitige qarshi naraziliq namayishigha qatnishishini telep qilimiz. Namayishqa uyghur millitige köngül böliwatqan, hisdashliq qiliwatqan yerlik yaki bashqa millettin bolghan tonushlirimizni epkilish qarshi élinidu.

Namayish Waxti: 2009-yili 10-ayning 1- küni (peyshenbe) Oslo waxti saet 13:30 din 16:30 giche.

Namayish Orni: Saet 13:30 de Oslo merkizi poyiz wagzali aldigha (yolwas heykili qéshigha) yighilip, Karl Johans Kochisida merkizi tiyaterxanigha kelgiche namayish qilip, kéyin poyiz bilen xitay elchixanisi aldigha barimiz.

Norwégiye Uyghur Komitéti

2009-yili 16-sentebir