Pütün Uyghurlar Jenwege Jem bolayli!
BDT érqiy qirghinchiliqqa qarshi turush komitétining 75 - nöwetlik omumi yighini BDT dawam qilmaqta. 8 - ayning 7 - künidin 10 - künigiche BDTda mexsus xitaydiki érqiy mesilini közdin köchürüsh muzakirisi élip bérilidighan bolup, DUQ 7 - awghust küni jenwediki BDT binasi aldida keng kölemlik namayish paaliyiti uyushturdi. Bu paaliyetke Yawrupa elliride yashawatqan barliq Uyghurlarning qatnishishini Ümid qilimiz!
Bu qétimqi namayish zor alahidilikke ige bolup, 170 tin artuq döletning wekili ishtirak qilidighan "xitaydiki érqiy mesilini közdin köchürüsh yighini" boliwatqan mezgilde, Uyghurlarni merkez qilghan halda nurghunlighan döletlerdiki Uyghurlargha hésdashliq qilghuchi her türlük milletlerdin terkip tapqan jamaet we kishilik hoquq teshkilatliri wekilliri Yighin meydani aldida küch körsitidu. Muxpirlani kütiwélish paaliyiti uyushturidu. Kocha yürishi élip bérip, Jenwe sheher merkizini aylinidu.
5 - iyul qanliq qirghinchiliqidin yürek - baghri ézilgen, xitayning bu wehshi qeltiamliridin ghezeplengen yawrupadiki herqandaq Uyghurning bu septin chüshüp qalmasliqini ümid qilimiz. Bizning bu qétimqi namayishimizning "xitaydiki érqiy mesilini közdin köchürüsh yighini"gha körsitidighan tesiri namayiti zor!
Namayish waqti: 2009 - yili 8 - ayning 7 - küni Saet: 13:30
Orni: Shwétsariye, Jenwe shehridiki wilson sariyi aldi. we BDT merkizi binasi aldi.
Hörmet bilen:
DUQ teshwiqat merkizi
http://www.wetinim.org/forum/viewthread.php?tid=2495
Ingen kommentarer:
Legg inn en kommentar