ﺭﻭﺯﺍ ﮪﻪﻗﻘﯩﺪﻩ ﺩﻩﺳﻠﻪﭘﻜﻰ ﭼﯜﺷﻪﻧﭽﻪ Roza heqqide deslepki chushenche

ﺑﺎﺭﻟﯩﻖ ﮪﻪﻣﺪﯗ ﺳﺎﻧﺎ ﺋﺎﻟﻪﻣﻠﻪﺭﻧﯩﯔ ﭘﻪﺭﯞﻩﺭﺩﯨﮕﺎﺭﻯ ﮪﻪﻕ ﺳﯘﺑﮭﺎﻧﻪﮪﯘ ﯞﻩﺗﺎﺋﺎﻻﻏﺎ ﺧﺎﺳﺘﯘﺭ، ﺩﯗﺭﯗﺩ ﯞﻩ ﺳﺎﻻﻣﻠﺎﺭ ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻣﻐﺎ، ﺋﺎﺋﯩﻠﻪ ﺗﺎﯞﺍﺑﯩﺌﺎﺗﻠﯩﺮﯨﻐﺎ، ﺳﺎﮪﺎﺑﯩﻠﯩﺮﯨﮕﻪ ﯞﻩ ﺑﺎﺭﻟﯩﻖ ﺗﻮﻏﺮﺍ ﻳﻮﻟﺪﺍ ﻣﺎﯕﻐﺎﻥ ﻛﯩﺸﯩﻠﻪﺭﮔﻪ ﺑﻮﻟﺴﯘﻥ!

ﮪﯚﺭﻣﻪﺗﻠﯩﻚ ﺋﻮﻗﯘﺭﻣﻪﻥ! ﺑﯩﺰ ﺑﯘ ﯞﻩ ﺑﯘ ﻗﺎﺗﺎﺭﺩﯨﻜﻰ ﺑﺎﺷﻘﺎ ﻣﺎﻗﺎﻟﯩﻠﯩﺮﯨﻤﯩﺰ ﺋﺎﺭﻗﯩﻠﯩﻖ ﺭﺍﻣﯩﺰﺍﻥ ﺋﯧﻴﻰ، ﺭﯗﺯﺍ ﯞﻩ ﺑﯘ ﺋﺎﻱ، ﺑﯘ ﻛﯜﻧﻠﻪﺭﻧﯩﯔ ﺷﻪﺭﯨﺌﻪﺕ ﻧﻪﺯﯨﺮﯨﺪﯨﻜﻰ ﮪﯚﻛﻤﻰ، ﭘﻪﺯﯨﻠﯩﺘﻰ، ﺑﯘ ﺋﺎﻳﺪﺍ ﺑﯘﻳﺮﯗﻟﻐﺎﻥ ﯞﻩ ﭼﻪﻛﻠﻪﻧﮕﻪﻥ ﺋﯩﺸﻠﺎﺭ ﮪﻪﻗﻘﯩﺪﻩ ﻳﯧﻐﯩﻨﭽﺎﻕ ﺋﻪﻣﻤﺎ ﻣﻪﺯﻣﯘﻧﻠﯘﻕ ﻗﯩﻠﯩﭗ، ﺳﯩﺰﻟﻪﺭﮔﻪ ﻣﻪﻟﯘﻣﺎﺕ ﺑﯩﺮﯨﺸﻨﻰ ﻛﯚﯕﻠﯩﻤﯩﺰﮔﻪ ﭘﯜﻛﺘﯜﻕ. ﺟﺎﻧﺎﺑﻰ ﺋﺎﻟﻠﺎﮪ ﺑﯩﺰﻟﻪﺭﻧﻰ ﺑﯘ ﺋﯩﺸﻘﺎ ﻣﯘﯞﻩﭘﭙﻪﻕ ﻗﯩﻠﻐﺎﻱ. ﺋﻪﻟﯟﻩﺗﺘﻪ ﺑﯘ ﺋﯩﺸﻠﺎﺭ ﺗﻮﻏﺮﺍ ﺑﻮﻟﺴﺎ، ﺟﺎﻧﺎﺑﻰ ﺋﺎﻟﻠﺎﮪﻨﯩﯔ ﻣﻪﺭﮪﻪﻣﯩﺘﯩﺪﯨﻦ، ﺧﺎﺗﺎﻟﯩﻘﻠﺎﺭ ﺑﻮﻟﺴﺎ، ﺑﯘ ﻣﺎﻗﺎﻟﯩﻠﻪﺭﻧﻰ ﮪﺎﺯﯨﺮﻟﯩﻐﯘﭼﯩﻠﺎﺭﻧﯩﯔ ﺳﻪﮪﯟﻩﻧﻠﯩﻜﯩﺪﯨﻦ ﺑﻮﻟﻐﺎﻥ ﺑﻮﻟﯩﺪﯗ. ﺋﺎﺧﯩﺮﯨﺪﺍ ﺳﯩﺰﻟﻪﺭﻧﯩﯔ ﺧﺎﻟﯩﺲ ﻗﯩﻠﻐﺎﻥ ﺩﯗﺋﺎﻟﯩﺮﯨﯖﯩﺰﺩﺍ ﺑﯩﺰﻟﻪﺭﻧﻰ ﺋﻪﺳﻜﻪ ﺋﯧﻠﯩﭗ ﻗﻮﻳﯩﺸﯩﯖﯩﺰﻧﻰ ﺋﯜﻣﯩﺪ ﻗﯩﻠﯩﻤﯩﺰ!!

ﺭﯗﺯﯨﻨﯩﯔ ﺋﯩﺴﻠﺎﻣﺪﯨﻜﻰ ﺋﻮﺭﻧﻰ:

ﺭﯗﺯﺍ ﺋﯩﺴﻠﺎﻣﺪﯨﻜﻰ ﺑﻪﺵ ﺋﺎﺳﺎﺳﯩﻨﯩﯔ ﺑﯩﺮﻯ. ﺟﯩﺒﺮﯨﺌﯩﻞ ﺋﻪﻟﻪﻳﮭﯩﺴﺴﺎﻻﻡ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺑﯩﺮ ﮪﻪﺩﯨﺴﺘﻪ ﺟﯩﺒﺮﯨﺌﯩﻞ ﺋﻪﻟﻪﻳﮭﯩﺴﺴﺎﻻﻡ ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻣﻐﺎ ﻣﯘﻧﺪﺍﻕ ﺩﻩﻳﺪﯗ: «ﻣﺎﯕﺎ ﺋﯩﺴﻠﺎﻡ ﺗﻮﻏﺮﯨﺴﯩﺪﺍ ﺧﻪﯞﻩﺭ ﺑﻪﺭﮔﯩﻦ؟ ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻡ ﺟﺎﯞﺍﺏ ﺑﯩﺮﯨﭗ ﻣﯘﻧﺪﺍﻕ ﺩﻩﻳﺪﯗ: ﺑﯩﺮ ﺋﺎﻟﻠﺎﮪﺪﯨﻦ ﺑﺎﺷﻘﺎ ﺋﯩﻠﺎﮪ ﻳﻮﻕ، ﻣﯘﮪﻪﻣﻤﻪﺩ ﺋﺎﻟﻠﺎﮪﻨﯩﯔ ﺋﻪﻟﭽﯩﺴﻰ، ﺩﻩﭖ ﺷﺎﮪﺎﺩﻩﺕ ﺋﯧﻴﺘﯩﺶ، ﻧﺎﻣﺎﺯ ﺋﻮﻗﯘﺵ، ﺯﺍﻛﺎﺕ ﺑﯩﺮﯨﺶ، ﺭﯗﺯﺍ ﺗﯘﺗﯘﺵ..» - ﺑﯘ ﮪﻪﺩﯨﺴﻨﻰ ﺋﯩﻤﺎﻡ ﻣﯘﺳﻠﯩﻢ ﺭﯨﯟﺍﻳﻪﺕ ﻗﯩﻠﻐﺎﻥ.ﺋﯩﺒﻨﻰ ﺋﯚﻣﻪﺭ ﺭﻩﺯﯨﻴﻪﻟﻠﺎﮪﯘ ﺋﻪﻧﮭﯘ ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻣﻨﯩﯔ ﻣﯘﻧﺪﺍﻕ ﺩﯦﮕﻪﻧﻠﯩﻜﯩﻨﻰ ﺭﯨﯟﺍﻳﻪﺕ ﻗﯩﻠﯩﺪﯗ: «ﺋﯩﺴﻠﺎﻡ ﺑﻪﺵ ﺗﯜﺭﻟﯜﻙ ﺋﺎﺳﺎﺱ ﺋﯜﺳﺘﯩﮕﻪ ﺑﻪﺭﺑﺎ ﻗﯩﻠﯩﻨﻐﺎﻥ...(ﺑﯘﻧﯩﯔ ﻗﺎﺗﺎﺭﯨﺪﺍ ﺭﺍﻣﯩﺰﺍﻥ ﺭﯗﺯﯨﺴﯩﻨﻰ ﺗﯩﻠﻐﺎ ﺋﯧﻠﯩﭗ ﺋﯚﺗﻜﻪﻥ...)» - ﺑﯘ ﮪﻪﺩﺳﯩﻨﻰ ﺋﯩﻤﺎﻡ ﺑﯘﺧﺎﺭﯨﻲ ﯞﻩ ﻣﯘﺳﻠﯩﻢ ﺭﯨﯟﺍﻳﻪﺕ ﻗﯩﻠﻐﺎﻥ.

ﺭﻭﺯﯨﺪﯨﻦ ﻣﻪﻗﺴﻪﺕ ﻧﯧﻤﻪ؟

ﺭﻭﺯﯨﻨﯩﯔ ﺋﻪﯓ ﺋﺎﻟﯩﻲ ﻣﻪﻗﺴﯩﺪﻯ، ﺋﺎﻟﻠﺎﮪ ﺗﺎﺋﺎﻻﻧﯩﯔ ﺋﻪﻣﯩﺮﯨﻨﻰ ﺋﺎﺩﺍ ﻗﯩﻠﯩﺶ ﺋﺎﺭﻗﯩﻠﯩﻖ ﺋﯘﻧﯩﯔ ﺭﺍﺯﯨﻠﯩﻘﯩﻐﺎ ﺋﯩﺮﯨﺸﯩﺶ. ﺋﯘﻧﯩﯔ ﻗﻮﺷﯘﻣﭽﻪ ﻣﻪﻗﺴﻪﺗﻠﯩﺮﻯ ﺑﻮﻟﺴﺎ، ﺋﯩﻨﺴﺎﻧﻨﯩﯔ ﺋﯚﺯﯨﻨﻰ ﺷﻪﮪﯟﻩﺗﺘﯩﻦ ﻳﯩﺮﺍﻕ ﺗﯘﺗﯘﺷﻰ، ﺋﯚﺯﯨﻨﻰ ﻛﻮﻧﺘﺮﻭﻝ ﻗﯩﻠﯩﺸﯩﻨﻰ.. ﺋﺎﺩﻩﺗﻠﻪﻧﮕﻪﻥ ﻳﺎﻣﺎﻥ ﺋﯩﺸﻠﺎﺭﻧﻰ ﺗﺎﺷﻠﯩﺸﻰ ﻗﺎﺗﺎﺭﻟﯩﻘﻠﺎﺭ ﺑﻮﻟﯘﭖ، ﺋﺎﭼﻠﯩﻖ ﯞﻩ ﺋﯘﺳﺴﯘﺯﻟﯘﻕ ﺳﻪﯞﻩﺑﯩﺪﯨﻦ ﺋﯩﻨﺴﺎﻧﺪﯨﻜﻰ ﺷﻪﮪﯟﺍﻧﯩﻲ ﺟﯩﺪﺩﯨﭽﯩﻠﯩﻚ ﭘﻪﺳﯩﻴﯩﺪﯗ. ﺋﯩﻨﺴﺎﻥ- ﻳﻪﻧﻪ ﺷﯘ ﺋﺎﭼﻠﯩﻖ ﺋﯘﺳﺴﯘﺯﻟﯘﻕ ﺳﻪﯞﻩﺑﯩﺪﯨﻦ ﺋﺎﺟﯩﺰ- ﺋﯘﺭﯗﻕ، ﻛﻪﻣﺒﻪﻏﻪﻝ- ﻳﻮﻗﺴﯘﻟﻠﺎﺭﻧﯩﯔ ﮪﺎﻟﯩﻐﺎ ﻳﯩﺘﯩﺪﯗ. ﻳﻪﻧﻪ ﺷﯘ ﺋﺎﭼﻠﯩﻖ، ﺋﯘﺳﺴﯘﺯﻟﯘﻕ ﺋﺎﺭﻗﯩﻠﯩﻖ ﺋﯩﻨﺴﺎﻥ ﺑﻪﺩﯨﻨﯩﺪﯨﻜﻰ ﺷﻪﻳﺘﺎﻧﻨﯩﯔ ﮪﻪﺭﯨﻜﻪﺗﻠﯩﻨﯩﺶ ﭘﺎﺋﺎﻟﯩﻴﯩﺘﻰ ﻗﯧﻴﯩﻨﻠﯩﺸﯩﺪﯨﻐﺎﻥ ﺑﻮﻟﯘﭖ، ﺑﯘ ﺋﺎﻟﻠﺎﮪ ﺑﯩﻠﻪﻥ ﺑﻪﻧﺪﯨﺪﯨﻦ ﺑﺎﺷﻘﺎ ﮪﯧﭽﻜﯩﻢ ﺑﯩﻠﻤﻪﻳﺪﯨﻐﺎﻥ ﻣﻪﯕﮕﯜﻟﯜﻙ ﺳﯩﺮ. ﻳﯘﻗﯩﺮﯨﺪﺍ ﺑﺎﻳﺎﻥ ﻗﯩﻠﻐﯩﻨﯩﻤﯩﺰﺩﻩﻙ، ﺭﻭﺯﺍ ﺳﻪﻣﯩﻤﯩﻠﯩﻚ ﺑﯩﻠﻪﻥ ﺋﺎﻟﻠﺎﮪﻘﺎ ﺋﯩﺒﺎﺩﻩﺕ ﻗﯩﻠﯩﺶ. ﺋﯩﻨﺴﺎﻥ ﺋﺎﻟﻠﺎﮪﻨﯩﯔ ﺭﺍﺯﯨﻠﯩﻘﻰ ﺋﯜﭼﯜﻥ ﻳﯧﻤﻪﻙ- ﺋﯩﭽﻤﯩﻜﻰ ﯞﻩ ﺷﻪﮪﯟﻩﺗﯩﻨﻰ ﺗﻪﺭﻙ ﻗﯩﻠﯩﺪﯗ. ﻳﯧﻐﯩﻨﭽﺎﻗﻠﯩﻐﺎﻧﺪﺍ ﻣﺎﻧﺎ ﻣﯘﺷﯘﻻﺭﻻ ﺭﻭﺯﯨﻨﯩﯔ ﮪﻪﻗﯩﻘﯩﺘﻰ. ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻡ ﻣﯘﻧﺪﺍﻕ ﺩﻩﻳﺪﯗ: «ﺳﯩﻠﻪﺭﻧﯩﯔ ﺑﯩﺮﯨﯖﻠﺎﺭ ﺭﻭﺯﺍ ﺗﯘﺗﺴﺎ ﮪﺎﻳﺎﺳﯩﺰ ﺳﯚﺯﻟﻪﺭﻧﻰ ﻗﯩﻠﻤﯩﺴﯘﻥ، ﯞﺍﺭﻗﯩﺮﺍﺷﻤﯩﺴﯘﻥ. ﺋﻪﮔﻪﺭ ﺑﯩﺮﻯ ﺋﯘﻧﻰ ﺗﯩﻠﻠﯩﺴﺎ ﻳﺎﻛﻰ ﺋﯘﺭﯗﺷﻤﺎﻗﭽﻰ ﺑﻮﻟﺴﺎ، ﺋﯘ ﻛﯩﺸﻰ: ﻣﻪﻥ ﺭﻭﺯﯨﺪﺍﺭ، ﺩﯦﺴﯘﻥ». [ﺑﯩﺮﻟﯩﻜﻜﻪ ﻛﻪﻟﮕﻪﻥ ﮪﻪﺩﯨﺲ]

ﻳﯘﻗﯩﺮﯨﻘﻰ ﮪﻪﺩﺳﯩﻨﯩﯔ ﻣﻪﻧﯩﺴﻰ، ﺟﯩﺪﻩﻝ- ﻣﺎﺟﯩﺮﺍ، ﭘﯩﺘﻨﻪ- ﭘﺎﺳﺎﺕ، ﻳﺎﻟﻐﺎﻥ ﻳﺎﯞﯨﺪﺍﻕ ﺋﯩﺸﻠﺎﺭﻏﺎ ﻳﯧﻘﯩﻦ ﻛﻪﻟﻤﯩﺴﯘﻥ، ﺑﯩﺮﺳﻰ ﺋﯘﻧﻰ ﺟﯩﺪﻩﻝ ﻳﺎﻛﻰ ﮪﻪﺭ ﻗﺎﻧﺪﺍﻕ ﺑﯩﺮ ﻳﺎﻣﺎﻥ ﺋﯩﺶ ﻗﯩﻠﯩﺸﻘﺎ ﻣﻪﺟﺒﯘﺭ ﻗﯩﻠﺴﺎ، ﺋﯘ ﻣﻪﻥ ﺭﯗﺯﺍ ﺗﯘﺗﺘﯘﻡ، ﻳﻪﻧﻰ ﺭﯗﺯﯨﺪﺍﺭﻣﻪﻥ، ﻣﯧﻨﻰ ﻳﺎﻣﺎﻥ ﺋﯩﺸﻠﺎﺭﻏﺎ ﺷﯩﺮﻙ ﻗﯩﻠﯩﺸﻘﺎ ﺯﻭﺭﻟﯩﻤﺎ ﺩﯦﻴﯩﺶ ﺋﺎﺭﻗﯩﻠﯩﻖ، ﻳﺎﻣﺎﻥ ﺋﯩﺸﻠﺎﺭﺩﯨﻦ ﻳﯩﺮﺍﻕ ﺗﯘﺭﺳﯘﻥ، ﺋﺎﻟﻠﺎﮪﺪﯨﻦ ﻗﻮﺭﻗﺴﯘﻥ، ﺩﯦﻤﻪﻛﭽﻰ.

ﺭﻭﺯﯨﻨﯩﯔ ﭘﻪﺯﯨﻠﯩﺘﻰ:

ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻡ ﻣﯘﻧﺪﺍﻕ ﺩﯦﮕﻪﻥ: «ﻛﯧﻤﯩﻜﻰ ﺭﺍﻣﯩﺰﺍﻥ ﺋﯧﻴﯩﺪﺍ ﺋﺎﻟﻠﺎﮪﻘﺎ ﺧﺎﻟﯩﺲ ﺑﻮﻟﻐﺎﻥ ﺋﯩﻤﺎﻥ ﺑﯩﻠﻪﻥ ﺭﻭﺯﺍ ﺗﯘﺗﯩﺪﯨﻜﻪﻥ، ﺋﯘﻧﯩﯔ ﺋﯩﻠﮕﯩﺮﯨﻜﻰ ﮔﯘﻧﺎﮪﻠﯩﺮﻯ

ﺋﻪﭘﯘ ﻗﯩﻠﯩﻨﯩﺪﯗ». - ﺑﯘﺧﺎﺭﯨﻲ ﯞﻩ ﻣﯘﺳﻠﯩﻢ ﺭﯨﯟﺍﻳﯩﺘﻰ

ﭘﻪﻳﻐﻪﻣﺒﻪﺭ ﺋﻪﻟﻪﻳﮭﯩﺴﺴﺎﻻﻡ ﻳﻪﻧﻪ ﻣﯘﻧﺪﺍﻕ ﺩﯦﮕﻪﻥ: «ﻣﯧﻨﯩﯔ ﺟﯧﻨﯩﻢ ﺋﯘﻧﯩﯔ ﻗﻮﻟﯩﺪﺍ ﺑﻮﻟﻐﺎﻥ ﺋﺎﻟﻠﺎﮪ ﺑﯩﻠﻪﻥ ﻗﻪﺳﻪﻡ ﻗﯩﻠﯩﻤﻪﻧﻜﻰ، ﺭﻭﺯﯨﺪﺍﺭﻧﯩﯔ ﺋﯧﻐﯩﺰﯨﻨﯩﯔ ﭘﯘﺭﯨﻘﻰ ﺋﺎﻟﻠﺎﮪﻨﯩﯔ ﻧﻪﺯﯨﺮﯨﺪﻩ ﻣﯩﺴﻜﻰ ﺋﯩﭙﺎﺭﻧﯩﯔ ﭘﯘﺭﯨﻘﯩﺪﯨﻦ ﻛﯚﭖ ﻳﺎﺧﺸﻰ». ﺑﯘ ﮪﻪﻗﺘﻪ ﺋﺎﻟﻠﺎﮪ ﺗﺎﺋﺎﻻ ﻣﯘﻧﺪﺍﻕ ﺩﻩﻳﺪﯗ: «ﻳﯧﻤﻪﻙ، ﺋﯩﭽﻤﯩﻜﯩﻨﻰ، ﺷﻪﮪﯟﯨﺘﯩﻨﻰ ﻣﻪﻥ ﺋﯜﭼﯜﻥ ﺗﻪﺭﻙ ﻗﯩﻠﯩﺪﯗ، ﭘﻪﻗﻪﺕ ﻣﯧﻨﻰ ﺩﻩﭘﻠﺎ ﺭﻭﺯﺍ ﺗﯘﺗﯩﺪﯗ، ﻣﻪﻥ ﺋﯘﻧﻰ ﺋﯚﺯﯛﻡ ﻣﯘﻛﺎﭘﺎﺗﻠﺎﻳﻤﻪﻥ، ﺑﯩﺮ ﻳﺎﺧﺸﯩﻠﯩﻘﯩﻐﺎ ﺋﻮﻥ ﮪﻪﺳﺴﻪ ﺋﻪﺟﯩﺮ ﺑﺎﺭ.» - ﺑﯘﺧﺎﺭﯨﻲ ﺭﯨﯟﺍﻳﯩﺘﻰ.

ﻳﻪﻧﻪ ﻣﯘﻧﺪﺍﻕ ﺩﻩﻳﺪﯗ: «ﺟﻪﻧﻨﻪﺗﺘﻪ "ﺭﻩﻳﻴﺎﻥ" ﺩﯦﻴﯩﻠﯩﺪﯨﻐﺎﻥ ﺑﯩﺮ ﺋﯩﺸﯩﻚ ﺑﺎﺭ ﺑﻮﻟﯘﭖ، ﺋﯘﻧﯩﯖﺪﯨﻦ ﻗﯩﻴﺎﻣﻪﺕ ﻛﯜﻧﻰ ﺭﻭﺯﯨﺪﺍﺭﻻﺭ ﻛﯩﺮﯨﺪﯗ. ﺋﯘ ﺋﯩﺸﯩﻜﺘﯩﻦ ﺭﻭﺯﯨﺪﺍﺭﻻﺭﺩﯨﻦ ﺑﺎﺷﻘﯩﻠﺎﺭ ﻛﯩﺮﻣﻪﻳﺪﯗ. ﺋﯘ ﭼﺎﻏﺪﺍ ﻣﯘﻧﺪﺍﻕ ﺩﯦﻴﯩﻠﯩﺪﯗ: "ﺭﻭﺯﯨﺪﺍﺭﻻﺭ ﻗﯧﻨﻰ؟ ﺋﯘﻻﺭ ﺋﻮﺭﯗﻧﻠﯩﺮﯨﺪﯨﻦ ﺗﯘﺭﯨﺸﯩﺪﯗ. ﺋﯘﻻﺭ ﺑﯩﻠﻪﻥ ﺑﺎﺷﻘﯩﻠﺎﺭ ﻛﯩﺮﻣﻪﻳﺪﯗ. ﺋﯘﻻﺭ ﻛﯩﺮﯨﭗ

ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺋﯘ ﺋﯩﺸﯩﻚ ﺗﺎﻗﯩﻠﯩﭗ ﻗﺎﻟﯩﺪﯗ. ﺋﯘ ﻳﻪﺭﺩﯨﻦ ﮪﯧﭽﻜﯩﻢ ﻛﯩﺮﻣﻪﻳﺪﯗ.» - ﺑﯘﺧﺎﺭﯨﻲ ﺭﯨﯟﺍﻳﯩﺘﻰ

(داۋامى بار. تەييارلىنىۋاتىدۇ)

مەنبە: دارۇلسالام تورى

roza heqqide deslepki chüshenche barliq hemdu sana alemlerning perwerdigari heq subhanehu wetaalagha xastur, durud we salamlar peyghember eleyhissalamgha, aile tawabiatlirigha, sahabilirige we barliq toghra yolda mangghan kishilerge bolsun! hörmetlik oqurmen! biz bu we bu qatardiki bashqa maqalilirimiz arqiliq ramizan éyi, ruza we bu ay, bu künlerning sheriet neziridiki hökmi, peziliti, bu ayda buyrulghan we cheklengen ishlar heqqide yéghinchaq emma mezmunluq qilip, sizlerge melumat birishni könglimizge püktüq. janabi allah bizlerni bu ishqa muweppeq qilghay. elwette bu ishlar toghra bolsa, janabi allahning merhemitidin, xataliqlar bolsa, bu maqalilerni hazirlighuchilarning sehwenlikidin bolghan bolidu. axirida sizlerning xalis qilghan dualiringizda bizlerni eske élip qoyishingizni ümid qilimiz!!

ruzining islamdiki orni: ruza islamdiki besh asasining biri. jibriil eleyhissalam bilen munasiwetlik bir hediste jibriil eleyhissalam peyghember eleyhissalamgha mundaq deydu: «manga islam toghrisida xewer bergin? peyghember eleyhissalam jawab birip mundaq deydu: bir allahdin bashqa ilah yoq, muhemmed allahning elchisi, dep shahadet éytish, namaz oqush, zakat birish, ruza tutush..» - bu hedisni imam muslim riwayet qilghan. ibni ömer reziyellahu enhu peyghember eleyhissalamning mundaq dégenlikini riwayet qilidu: «islam besh türlük asas üstige berba qilinghan...(buning qatarida ramizan ruzisini tilgha élip ötken...)» - bu hedsini imam buxariy we muslim riwayet qilghan.

rozidin meqset néme? rozining eng aliy meqsidi, allah taalaning emirini ada qilish arqiliq uning raziliqigha irishish. uning qoshumche meqsetliri bolsa, insanning özini shehwettin yiraq tutushi, özini kontrol qilishini.. adetlengen yaman ishlarni tashlishi qatarliqlar bolup, achliq we ussuzluq sewebidin insandiki shehwaniy jiddichilik pesiyidu. insan- yene shu achliq ussuzluq sewebidin ajiz- uruq, kembeghel- yoqsullarning haligha yitidu. yene shu achliq, ussuzluq arqiliq insan bedinidiki sheytanning heriketlinish paaliyiti qéyinlishidighan bolup, bu allah bilen bendidin bashqa héchkim bilmeydighan menggülük sir. yuqirida bayan qilghinimizdek, roza semimilik bilen allahqa ibadet qilish. insan allahning raziliqi üchün yémek- ichmiki we shehwetini terk qilidu. yéghinchaqlighanda mana mushularla rozining heqiqiti. peyghember eleyhissalam mundaq deydu: «silerning biringlar roza tutsa hayasiz sözlerni qilmisun, warqirashmisun. eger biri uni tillisa yaki urushmaqchi bolsa, u kishi: men rozidar, désun». [birlikke kelgen hedis] yuqiriqi hedsining menisi, jidel- majira, pitne- pasat, yalghan yawidaq ishlargha yéqin kelmisun, birsi uni jidel yaki her qandaq bir yaman ish qilishqa mejbur qilsa, u men ruza tuttum, yeni ruzidarmen, méni yaman ishlargha shirk qilishqa zorlima déyish arqiliq, yaman ishlardin yiraq tursun, allahdin qorqsun, démekchi.

rozining peziliti:

peyghember eleyhissalam mundaq dégen: «kémiki ramizan éyida allahqa xalis bolghan iman bilen roza tutidiken, uning ilgiriki gunahliri epu qilinidu». - buxariy we muslim riwayiti. peyghember eleyhissalam yene mundaq dégen: «méning jénim uning qolida bolghan allah bilen qesem qilimenki, rozidarning éghizining puriqi allahning neziride miski iparning puriqidin köp yaxshi». bu heqte allah taala mundaq deydu: «yémek, ichmikini, shehwitini men üchün terk qilidu, peqet méni depla roza tutidu, men uni özüm mukapatlaymen, bir yaxshiliqigha on hesse ejir bar.» - buxariy riwayiti.

yene mundaq deydu: «jennette "reyyan" déyilidighan bir ishik bar bolup, uningdin qiyamet küni rozidarlar kiridu. u ishiktin rozidarlardin bashqilar kirmeydu. u chaghda mundaq déyilidu: "rozidarlar qéni? ular orunliridin turishidu. ular bilen bashqilar kirmeydu. ular kirip bolghandin kéyin, u ishik taqilip qalidu. u yerdin héchkim kirmeydu.» - buxariy riwayiti..

(dawami bar. teyyarliniwatidu)

menbe: darulsalam tori