Guentanamodiki uyghurlargha adil muamile qilinishi kérek

Guentanamodiki uyghurlargha adil muamile qilinishi kérek

2009-04-18

Washington post géziti bügün 'uyghurlargha adil muamile qilinishi kérek' dégen mewzuda shenbilik bash malale élan qildi. Buninggha 'uyghur mehbuslarni amérika qarshi élishi kérek' dégen qoshumche mewzu qoyuldi. Bu bash maqalida 'amérika hökümiti özi, ötken yette yilda, amérika déngiz armiyisining kubadiki guentanamo bazisida tutup turuliwatqan 17 ademning uyghur ikenlikini, ular bu türmide tutup turulushqa tégishlik bolmighan ademler ikenlikini, ular ya amérikigha qarshi urush qilghan düshmen soldatliri emes, ya amérikigha qarshi zorawanliq heriket qilghanmu emes ikelikini alliqachan jakarlap boldi. Ularning yene dawamliq shu türmide tutup turulishi bir xataliq. Shundaqla bu, zamaniwiy déplomatiyidiki bir sewenlik yaki qedimqi zamanche adawet saqlighanliq hésablinidu' dep bayan qilindi. Mezkur maqalide yene, amérikining sabiq bush hökümiti gerche bu uyghurlargha pana bolidighan bashqa döletlerni izligen bolsimu, emma jonggo bu uyghurlagha pana bolushni xalighan her qandaq döletke qarita öch élish siyasiti qollanghanliqtin, bu jehettiki tirishchanliqning emelge ashmighanliqi, jonggo hökümiti hazirmu bu uyghurlarni téxiche térrochilar dep qarawatqanliqi körsütüldi we shuning üchün amérika bu uyghurlarni jonggogha qayturmasliqi kérek, dep tekitlendi.