Moskwaliq uyghur proféssor öz perzentige uyghur tili ögitishni arzu qildi
2009-04-19
1982 - Yilidin étibaren moskwada yashawatqan, moskwa uniwérsitétining psixologiye fakultétida oqutquchiliq qiliwatqan méhriban abdullayéwa mexsus maqale élan qilip, öz ana tili - Uyghur tiligha bolghan chongqur söygüsi we hörmitini" izhar qildi.Rus tilida tarqitilidighan "ümid" torida élan qilinghan maqaliside proféssor méhriban abdullayéwa xanim özining ana tilini yaxshi öginish pursitige érishelmigenliki sewebidin uyghur tilini nahayiti az bilidighanliqi, kichik qizigha bolsimu öz ejdadining tili, tarixi, medeniyitini bildürüsh arqiliq uning milliy kimlikini saqlap qélishni arzu qilghan bolsimu, lékin özining ana tilini yaxshi bilmigenliki sewebidin bu bilimlerni qizigha ögitishke amalsiz qalghanliqidin qattiq échinghanliqini bayan qilghan.Méhriban xanimning qarishi boyiche alghanda, til bir milletning tarixi we medeniyet tilsimatining birdin - Bir achquchi bolup, bir millet peqet öz ana tilini yaxshi bilish arqiliq öz milliy kimliki, medeniyiti we enenisini heqiqiy bileleydu, uni söyidu we qedirleydu.Méhriban abdullayéwa xanim maqalisining axirida öz ana tilini yaxshi bilgen uyghur qérindashlirigha "balamgha uyghur tili ögitip qoyunglar !" dep qattiq xitap qilidu.
Abonner på:
Legg inn kommentarer (Atom)
Men Méhriban xanimgha we shuninggha oxshash yuquri tebiqe we yuquri bilim yurtlirida xizmet qiliwatsimu, öz ana tilini untup,ewlatlargha anatilidin sawat berishtin qalghan uyghurlargha echinimen. Elwette wetenning sirtida yashawatqan uyghurlar ana tilni saqlap qelishqa tirishish kerek!
SvarSlettHemmimiz ana til ana til zörül dep kotuldaymiz likin bir ish qilmaymiz! nurghunlighan yash balilirimiz öz tilini bilmeydu tixi u tursun gep qilmaydu. bundaq kitiwerse ete ögün uyghurche tilnimu örgitidighan ademmu qalmaydu. proffesor xanim xitap qilghandek bizmu gizit betliridin dunyagha uyghur til muallimini izdesh kunige duchar bolimiz. hey uyghur tilim ...... hey bu uyghur heqqe bu yizilghan ichinishliq nersiler payda qilarmu yoq. beyxude xitap xalas.
SvarSlett