Oyghinayli Uyghur Yashliri!!

Mana hesh pesh digüche Norwégiyege kelgilimu bir yil bolay daptu ,bu jeryanda özem oylap baqmighan hetta xiyalimgha kelturupmu baqmighan nurghunlighan ishlargha duch keldim we béshimdin ötküzdüm ,

Burun chonglardin yawropada yashawatqan uyghurlar shundaq ijil-inaq ,om yashaydikan ,bizning wetendikidek bir- birini körelmeslik ,gheywetxorluq yoq iken digendek sözlerni anglap buningdin intayin xoshal bolghan idim. Özemning Allah ning qudriti bilen bu yerge saq-salamet kelginimdinmu özemni nahayti behtlik hés qilghan idim ,mana amdi bu bir yil jeryanida hemmini öz közem bilen körüp olturuptimen ,ish men oylighandek emesken ,gheywet qilish mushu nechche yüz musapir uyghurlar arisidimu bar iken ,buningdin ichim shundaq achchiq boldi ,biz nime bolghan millet ,biz nime üchün ittipaqlishalmaymiz? nime üchün bir birimizge ishenmeymiz? digenlerni oylidim ...toghra ,adem wetendin yiraq bir yat elde yashawatqanda rohi jehettin tolimu nazukliship kitidu ,etraptiki hemme nerse bizge bir mehel yat hem yochun tesir béridu ,lékin buning bilenla özimizni yoqutup qoysaq bolmaydu-de! Chünki biz bashqa milletlerge oxshimaymiz, bashqa milletlerdek xiyalimizgha nime kelse shuni qilalmaymiz, bizning wetinimiz texi azad bolghini yoq,wetende yene nechche milyonlighan xelqimiz öz azadliqigha ,erkinlikige intizar bolmaqta! Shunga biz özimizni oylimisaqmu bizdin kéyinkilerni oylishimiz,oz-ara ittipaqliship wetenning azadliqi üchün , xelqimizning hör-azatliqi üchün, milli kimlikimizni saqlap qélish üchün küresh qilishimiz, özimizge ishinishimiz, milli kimlikimizni,dunydadiki ornimiz we salayitimizni bashqilargha tonutishimiz üchün tirishishimiz, bir niyette küch chiqirishimiz kérek .Mana bu biz uyghurlarning nöwettiki eng asasliq we eng eqelli bolghan burchimizning biridur. Buningda yenila biz yashlarning wezipisi sel éghirraq .shunga yashlardin ötinidighinim we arzu qilidighinim biz yashlar bulsimu inaq- ittipaq ötsek ,bir- birimizge ishensek ,bir- birimizni körelmeydighan, xitaylardin yuqturiwalghan nachar illetlerni özimizdin yoq qilsaq! Her waqit bizning idiyemizde shundaq bir ang bolsunki: bizdiki ittipaqliq, ishench we milli oyghunush Sherqiy Türkistanning azatliqi, milletning hör-erkinligi üchün intayin muhim!

Qedirlik uyghur yashliri oyghinayli...! Öz rolimizni wetende jari qildurushqa ajizliq qilghan bolsaq bu erkin dunydada jari qildurushqa tirishayli …!Öz millitimizning kelgusi toghrisida azraq bulsimu oyliship baqayli !!!!!!!

ئويغىنىڭلار ئۇيغۇر ياشلىرى.!!!

مانا ھەش پەش دېگۈچە نورۋېگىيەگە كەلگىلىمۇ بىر يىل بولاي دەپتۇ، بۇ بىر يىل جەريانىدا ئۆزەم ئويلاپ باقمىغان ھەتتا خىيالىمغا كەلتۈرۈپمۇ باخمىغان نۇرغۇنلىغان ئىشلارغا دۇچ كەلدىم ۋە بېشىمدىن ئۆتكۈزدۈم. بۇرۇن چوڭلاردىن ياۋروپادا ياشاۋاتقان ئۇيغۇرلار شۇنداق ئىجىل ئىناق، ئۆم ياشايدىكەن، بىزنىڭ ۋەتەندىكىدەك بىر بىرىنى كۆرەلمەسلىك، غەيۋەتخورلۇق يوق كەن دېگەندەك سۆزلەرنى ئاڭلاپ بۇنۇڭدىن ئىنتايىن خوشال بولغان ئىدىم. ئۆزەمنىڭ ئاللانىڭ قۇدرىتى بىلەن بۇ يەرگە ساخ سالامەت كەلگىنىمدىنمۇ ئۆرەمنى ناھايىتى بەخىتلىك ھېس قىلغان ئىدىم. مانا ئەمدى بۇ بىر يىل جەريانىدا ھەممىنى ئۆر كۆرۇم بىلەن كۆرۈپ ئۆتۈپتىمەن، ئىش مەن ئويلىغاندەك ئەمەسكەن. غەيۋەت قىلىش مۇشۇ نەچچە يۈز مۇساپىر ئۇيغۇرلار ئارسىدىمۇ بار ئىكەن، بۇلارنى كۆرۈپ ئىچىم شۇنداق ئاچچىق بولدى. بىز نېمە بولغان مىللەت، بىز نېمە ئۈچۈن ئىتتىپاقلىشالمايمىز؟ نېمە ئۈچۈن بىر بىرىمىزگە ئىشەنمەيمىز؟ ... دېگەنلەرنى ئويلىدىم. توغرا، ئادەم ۋەتەندىن يىراق بىر يات ئەلدە ياشاۋاتقاندا روھى جەھەتتىن تولىمۇ نازۇكلىشىپ كېتىدۇ، ئەتراپتىكى ھەممە نەرسە بىزگە بىر مەھەل يات ھەم يۇچۇق تەسىر بېرىدۇ، لېكىن بۇنۇڭ بىلەنلا ئۆرىمىزنى يوقىتىپ قويساق بولمايدۇ دە. چۈنكى بىز باشقا مىللەتلەرگە ئوخشىمايمىز، باشقا مىللەتلەردەك خىيالىمىزغا نېمە كەلسە شۇنى قىلالمايمىز، بىزنىڭ ۋەتىنىمىز تېخى ئازات بولغىنى يوق، ۋەتەندە يەنە نەچچە مىليونلىغان خەلقىمىز شۇ ئاراتلىققا، شۇ ئەرلىنلىككە زار بولۇپ ياشاۋاتىدۇ. شۇڭا بىز ئۆزىمىزنى ئويلىمىساخمۇ بىزدىن كېيىنكىلەرنى ئويلىشىمىز، ئۆر ئارا ئىتتىپاقلىشىپ ۋەتەننىڭ ئاراتلىقى ئۈچۈن بىر كىشىلىك تۆھپىمىزنى قوشىشىمىز، ئۆر ئارا ئىشىنىپ ئۆرىمىزنىڭ كىملىكىنى، دۇنيادىكى ئورنىمىز ۋە سالايىتىمىزنىڭ نېمىلىكىنى باشقىلارغا تونۇتىشىمىز كېرەك. مانا بۇ بىز ئۇيغۇرلارنىڭ نۆھەتتىكى ئەڭ ئاساسلىق ۋە ئەڭ ئەقەللى بولغان بۇرچىلىرىمىزنىڭ بىرىدۇر. بۇنىڭدا يەنىلا بىز ياشلارنىڭ ۋەزىپىسى سەل ئېغىرراق. شۇڭا بىز ياشلاردىن ئۆتىنىدىغىنىم ۋە ئارزۇ قىلىدىغىنىم، ياشلار بولسىمۇ ئىناق ئىتتىپاق ئۆتسەك، بىر بىرىمىزگە ئىشەنسەك، بىر بىرىمىزنى كۆرەلمەيدىغان ناچار ئىللەتنى ئۆرىمىزگە يۇختۇرۋالمىساق. ئەقلىمىزنى ئىشلىتىپ شۇ بىر سوالنى ئوبدان ئويلىشىپ باخساق... بىز نېمە ئۈچۈن ئىتتىپاقلىشىمىز؟ نېمە ئۈچۈن ئۆز ئارا ئىشىنىشىمىز؟ نېمە ئۈچۈن مۇشۇ دەقىقىلەردە ئويغىنىشنى تەۋسىيە قىلىمىز؟؟؟
ئۇيغۇر ياشلىرىم، ئويغىنايلى، ئۆز رولىمىزنى ۋەتەندە جارى قىلدۇرۇشقا ئاجىزلىق قىلغان بولساق، بۇ ئەركىن دۇنيادا جارى قىلدۇرۇشقا تىرىشايلى. ئۆر مىللىتىمىزنىڭ كەلگۈسى توغرىسىدا ئازراق بولسىمۇ ئويلىشىپ باقايلى.!!!