Bizmu Hör dep külgeymiz

Allah bizge medetkar

Biz insanlar ezeldin ademning ewladimiz ,
Enbiya hem ewliya bizlerning ejdadimiz .
Bizning islam dinimiz shularning tutqan yuli ,
Muqeddes quranmu hem shulardin mirasimiz .

Islam deymiz dinimiz sheritlirini bilmeymiz ,
Quran deymiz kitabim yaki uqup körmeymiz .
Insap iman bizlerdin kettimikin kötürlüp ,
Bir qérindash, bir millet, bir mesjidke sighmaymiz .

Ita'et we birlikni asas qilghan dinimiz ,
Insangha qul bolushni haram qilghan rebbimiz.
Höryashash, eziz yashash bizge birilgen nimet,
Shu nimetke érishish yollirini bilmeymiz .

Birlik deymiz hemmemiz ya birlikni bilmeymiz ,
Ejdadimiz izini yaki bésip mangmaymiz .
Biri chiqsa bash bolup ita'etqu bizde yoq ,
Aldida he.. dep quyup arqisidin tillaymiz .

Shu seweptin qul kebi ütmektedur halimiz ,
Yarimighach allah qa qilghan du'a nalimiz .
Niyetler durus bulup ibadet xalis bolsa ,
Allah bizge medetkar özgiridu halimiz .

Biz insanlar dunyagha barawer yaralghanmiz ,
Barawer yashashqimu biz hemmidin muhtajmiz .
Shuning üchün uyghurum bu gheplettin oyghunung,
Shu qulluqtin qutulup bizmu hör... dep külgeymiz .


manbe:wetinim tori